لعبه جامده يا نودى
بس ده انتم اتشردتوا
انا بقى مش عارفه اذا كان دول هايمشوا معاكى ولالا
بس هما دول المرتين الى حسيت فيهم بالاحراج
لان فى الاولانى اتفضحت فى المنطقه انى خوافه
وفى التانى اتعرف عنى انى هبله
الاول:
انا كنت رايحه الامتحان الصبح
وانا فى الاعدادى
ووانا ماشيه من جنب بيت لقيت ست كبيره طالعه من جنب البيت
امشى كده او امشى كده مفيش فايده واقفه فى وشى
وفجأه لقيتها صوتت فى وشى وقالتلى :انتي
رحت بصتلها وقلتلها انا
بصتلى بصه خلتنى اترعب وقالتلى ايوه انتي
وراحت مصوته فى وشى وماشيه
وانا فضلت واقفه مده كبيره قوى متنحه ومش عارفه ايه الى حصل
لدرجه ان صحباتى جرونى على المدرسه
وهما بيحاولوا يفوقوا فيه عشان الامتحان
وبعد كده بقى عرفنا انها ست مجنونه
المشكله بقى اننا من ساعتها كل اما اعدى فى الشارع ده اخاف احسن تطلعلى
والف وامشى من شارع تانى
الموقف التانى بقى:
اهبل شويه
كنت انا وصحباتى رايحين الدرس
ووفقنا ناكل ايس كريم
وانا كنت يومها لابسه حلو قوى
وفارده شعرى عشان كنت خارجه انا وصحباتى بعد الدرس
وواحنا واقفين الا بواحده ست جايه بتسألنى انتي اسمك ايه
استغربت بس افتكرتها من قرايب ماما او بتشبه
قلتلها اسمى امنيه
وقعدت تستجوبنى عندك كام سنه ومن عائله مين وحاجات كده
رحت سألاها هو فى حاجه حضرتك
قالتلى اصلى عايزه اخطبك لابنى
وشاورتلى على واحد واقف بعيد
ببص
لقيته شكله شبه شعبان عبد الرحيم
بس على اصغر
انا بقى قعدت اضحك زى الهبله اول ماشفته ما اعرفش ازاى
صحباتى يحاولوا يسكتونى مفيش
الحاله جت
لحد ما الست اتضايقت ومشيت
وانا قاعده بضحك زى الهبله
وما قدرتش ابطل ضحك الا بعدها بمده
لما حسيت ان الاستاذ ممكن يعلقنى
هههههههههههههههههههههههههههههههه
انا مش عارفه بقى مشيوا معاكى الاتنين دول ولا لا
بس اصلى عمرى ما حسيت بالاحراج قوى يعنى
وبجد لعبه تجنن
بس ربنا يسامحك بقى فكرتينى الحاله رجعتلى تانى
وقاعده اضحك زى الهبله