يا ترى حاطط صورة مين في أوضتك ؟!
أوضتك هي عالمك الخاص .. صومعتك ..الخن بتاعك ، حتى لو أخواتك معاك في الأوضة ..
برضه هتعمل عليهم رأس كبيرة و تشتغلهم و تخليهم يلتزموا بطقوس معينة ..
شبابيك مقفولة .. جو معتم " حتى لا يطير الدخان " .. و صورة على الحيطة ..
فيه ناس بتعمل معرض صور في أوضتها .. صور فنانين .. مطربين ..
مناظر طبيعية .. و اللي بتحب تنام و تصحى على وشوشهم
، أو عايزه تبقى زيهم أو بنات حلوة عايز تصاحبها
أو نجم أمور كده نفسك تبقى في حلاوته لو ولد ،
و لو بنت تبقي عايزة تبقي بطلة أفلامه و حياته
و أم عياله كمان .. يا ترى كل واحد منكم معلق صورة إيه أو مين على حيطة أوضته ..
لأن ده مؤشر على مستوى تفكيرك و دماغك اللاسعة أو المعقدة أو الكآبة أوعايش في الدور ..
وقفت عند بتاع بوسترات في وسط البلد فارش الرصيف كله صور أهمها نانسي في جلبيتها الشهيرة اللي خلت كل ستات مصر يعيدوا تفكيرهم في موضوع الجلبية .. بس لو عملوا إيه .. مش أي حد يا جماعة ..
المهم كان فيه صورة كمان لفريق ريال مدريد
و أحمد عز
– يا عيني يا بنات بقى
تامر حسني
و فريق بول و إمينيم– مش عارفه أكتبها عربي – خدوها إنجليزي –
Eminem
اللي كانت بوستره بـ 100 ج لأنه ببرواز
زي ما قالت لي واحدة مجنونة باسمه ده Eminem و فريق الأهلي ..
و ناس تانية كتير و
سألت البياع أكتر حاجة الشباب بيشتروها ؟؟؟؟؟؟؟؟؟؟؟
قاللي : و الله الولاد بتاخد نجوم الكورة و الفنانات الحلوة إليسا و نانسي ،
و البنات بيحبوا الممثلين الأجانب زي براد بيت أو نجوم مسلسل فريندز
يعني الصبيان زي القرع يمدوا لبره و إحنا كمان برضه زي القرع هما-الصبيان-
بيبصوا لبتوع لبنان ،
و إحنا
البنات
يعني بنحب بتوع أمريكا ..
وده بقى استفتاء بين اصحابى شوفوا قالوا ايه!!!!!!!!!!!!!!!!!!!!!!!
نسأل بقى الشباب :
دعاء عمرو – إعلام
أنا فوق سريري بالظبط صورة
أحمد عزو على المكتب ريال مدريد و جيفارا و عبد الناصر ..
و دول هما حالات نفسية عندي بأحب أعيشها أو أبقى زيها في يوم من الأيام ،
يعني عايزة تبقي ثورجية أو تلعبي كورة ؟ إزاي يعني ؟
عندنا حالة تانية
، قصدي محمد عبد الستار – حقوق:
.. ( أنا حاطط في أوضتي صورة واحدة بس
صورة الكعبة مرسومة بألوان مائية و شكلها خطير ..
كنت معلق صور قبل كده على الحيطة
أنا و أخويا بس شيلتهم أو بمعنى أصح قطعتهم عشان حرام و علقت صورة الكعبة
ربنا يهدينا جميعا
في بنوتة بقى أول ما سألتها انفجرت فيا :[
عمرو ديابطبعا أنا مجمعة له صور كتير على السرير و على المكتب و استيكرز حاطاها على ملفاتي و كتبي
و كل ما أسمع له أغنية لازم أعلي
التسجيل أو الراديو على الآخر..
أصلي بحبه قوي ..
أي حاجة يعملها أنا مجنونة بيها و بيه
طيب يا ستى ربنا يشفيكى
على إبراهيم :
هيفاء وهبي كنت جايب لها صورة جامدة قوي بس قطعتها ..
الخاينة راحت اتجوزت ..
طبعاً أنا بأهزر يا جماعة قال يعني كنت هاتجوزهاأصلاً !
لأ لسه محتفظ بالصورة و ساعات أقعد مربع على السرير
أتفرج عليها و أي كليب بيجي لها لازم أتنح قدامه و اسبهل
هي كل الصبيان بتحب بتوع لبنان ليه ؟ إدونا أمل في نفسنا شوية
هدى محمود . آداب :
توم كروز و انريك اجلاسيوس
و قدوتي بقى روبي ..
أصل أنا سمرة زيها
ده طلع إن البنات كمان بتحب النوعيات دي ..
و قدوة إيه اللي في روبي ..
ربنا يكسفك ..
عبد الله زاهر ده مجنون نانسى :
نانسي يا خرابي عليها و هي بالجلبية بتاعتها دي إوعى
الجلبية دي أساساً مصرية و المفروض
إن أي بنت مصرية تبقى جميلة فيها
بس أول مرة ألاقي حد تاني حلو فيها و مش هالاقي ..
أنا حاططها قدامي على المكتب
– مش هتفلح إن شاء الله –
و حاطط صورة ريال مدريد فريق النجوم الكبار كله ..
أنا لازم أدافع عن بنات مصر
و ألفت النظر إن الجلابية أصلاً متضيقة و متجسمة على نانسي
و الفتحتين من الجنب كل ده عامل لها شغل يا شباب ..
يا رجالة و كمان لو جربتها أي واحدة تانية هتفرق معاها ..
أديني دافعت أهو يا بنات ..
مش ده موضوعنا .
المهم نرجع تاني للموضوع ..
أنا بقى
معلقة صورلهيثم سعيد طبعا
و صورة وحيدة
لهاني سلامة بعيونه الجريئة الجامدة قوي ..
وكام صوره لخالد سليم
هيثم سعيد كنت مالية بيه الأوضه
باجمع له صور من كل مجلة أو أي بوستر جامد بس اختى
بقى ربنا يسامحها لمتها كلها في باسكت واحد ..
و بعد كده تبرر اضطهادها و قمعها ليا
– حلوة قمعها دى –
تبرر تقول إن فيه أعراض جنان ابتدت تظهر عليا ..
يا سلام ما أنا مجنونة أصلاً
هو الجنان لسه هايجى
ماهو جه من زمان
المهم أنها قطعت الصور بطريقة تعسفية منها لله ..
و أنا طلعت ناصحة و علقت صورتين كده في الخباثة
على ضرفة دولابي
واقنعتها انى كده كده مجنونه فاعادى يعنى
انتم بقى حاطين صور مين فى أوضكم؟؟؟؟؟؟؟؟؟؟؟؟؟؟؟؟؟؟؟؟
Sat Sep 08, 2007 9:58 am
هههههههههه
